थाय्थासय् मत च्याकाः लसता

येँ (नेपालभाषा टाइम्स)- बागमती प्रदेश संसदं नेपालभाषा व तामाङ भाषायात नं सरकारी मान्यता बीगु ऐन पारित याःगु लसताय् म्हिगः येँया थीथी थासय् मत च्याकाः लसता प्वंकेगु ज्या जुल । थ्व लसताय् म्हिगः येँया भूगोलपार्कय् नेवाः देय् दबूपाखें मत च्याकाः लसता हनेज्या यात ।

अथे हे येँया असनय् नेपाल समाजवादी नेवाः संघपाखें नं मत च्याकाः लसता हनेगु ज्या यात । बागमती प्रदेश सरकारं न्ह्यब्वःगु थ्व सम्बन्धी ऐन प्रदेश संसदं छगू मतं पारित याःगु खः ।

प्रदेशपाखें थ्व ऐन पारित यायेवं हेटौंडा उपमहानगरपालिकाय् नं रञ्जना लिपि छ्यलेगु शुरु याना हःगु दु । अनया वडा नं. २ या ज्याकुथिइ म्हीगंनिसें हे तामाङ लिपि व रञ्जना लिपि तयाः साइनबोर्ड तयेधुंकूगु दु । थ्व लसताय् अनया थीथी खलः पुचः मुनाः लसता ¥याली पिकायेगु नं तयारी जुयाच्वंगु खँ सीदुगु दु । (किपा ः नेभा टाइम्स)