ज्यापु महागुथिइ पद विभाजन

येँ(नेपालभाषा टाइम्स)-ज्यापु महागुथि नेपाःया प्यक्वःगु एकीकृत महाधिवेशन ल्यःपिं दुजःपिनि पद विभाजन याःगु दु । सत्यनारायण डंगोलया अध्यक्षताय् निर्वाचित दुजःपिनिगु मुँज्यां न्हूगु ज्यासना पुचःया पद विभाजनयाःगु खः ।

न्हूगु ज्यासना पुचलय् निर्वाचित नायः डंगोलया अध्यक्षताय् च्वंगु मुँज्यां निर्वाचित दुजःपिंमध्ये ज्ञानेन्द्र महर्जन वरिष्ठ न्वकु, मचाराजा महर्जन व सरिता महर्जनयात न्वकुकथं ल्यःगु दुसा बेखानारायण महर्जन महासचिव, बुद्धिलाल महर्जन कोषाध्यक्ष, सरिता महर्जन, बुद्धिलक्ष्मी महर्जन व सानु महर्जन सचिव व कुलबहादुर महर्जनयात सह कोषाध्यक्ष ल्यःगु दु ।

अथे हे दुजलय् भक्तिनारायण महर्जन, केशब महर्जन, श्यामकृष्ण संगत, सानु बाबु प्रजापति, रमेशमान मुनिकार, श्रीकृष्ण महर्जन, जुजुभाई महर्जन, रामेश्वर महर्जन, सुरेन्द्र महर्जन, जयकृष्ण दुवाल, स्वयम्भूराज डंगोल, कृष्णकुमार महर्जन,सबिना महर्जन, शान्ता प्रजापति, हेरा शोभा महर्जन व सानुदेबी महर्जन च्वनादीगु दुसा पुष्परत्न प्रजापति, हरिकृष्ण महर्जन, चैनगोपाल महर्जन, रत्ना डंगोल व लक्ष्मी महर्जनयात दुजलय् मनोनित याःगु दु ।

वंगु शनिवाः एकीकृत प्यक्वःगु तःमुँज्याया उलेज्या लिपा आइतवाः बन्दसत्र जूगु खः । बन्द सत्र लिपा नायः छम्ह बाहेकं मेपिं सकलें दुजःकथं सर्वसम्मतं निर्वाचित जूगु खः ।