तोखाया गुंला बाजंयात नपाया ग्वाहालि

तोखा(नेपालभाषा टाइम्स)÷तोखा नगरपालिकां स्थानीय सपनतीर्थ गुंला धाःबाजं खलःयात धाःबाजंलिसें थीथी ज्वलं ग्वाहालिकथं लःल्हाःगु दु । तोखा नगरपालिका २ वडाया विशेष कुतलय् नगरपालिकां स्थानीय धाःबाजं खलःयात ग्वाहालि लःल्हाःगु खः ।

वंगु छुं दिं न्ह्यः छगू ज्याझ्वःया दथुइ तोखा नगरपालिकाया प्रमुख प्रकाश अधिकारी, २ वडाअध्यक्ष धर्मेन्द्र श्रेष्ठ, वडा सदस्य सविना श्रेष्ठं मंकाःकथं धाःबाजंलिसें थीथी ज्वलं लःल्हानादीगु खः । उगु इलय् नगरपालिकां धाःबाजं च्यागः, भुस्याः निज्व? कनाथ निपु, ट्रम्पेट निपु, लाखे ख्वाःपाः छपाः धाःबाजं खलःयात लःल्हाःगु खः ।

वडाअध्यक्ष श्रेष्ठं मौलिक कला, संस्कृति संरक्षण व संवद्र्धन यायेगु उद्देश्यं तोखाय् क्रियाशील धाःबाजं खलःयात बाजंसहितया ज्वलं लःल्हानागु जानकारी बियादिल ।

नेवाः समुदायं गुलां पर्वयात अतिकं तःजिक हनेगु याना वयाच्वंगु दुसा गुंला ज्वःछि सुथ न्हापां थीथी धार्मिक स्थलय् धाःलिसें थीथी परम्परागत बाजं थानाः वनेगु व नगर परिक्रमा यायेगु याना वयाच्वंगु दु । तोखाया गुंला बाजं खलकं गुंलाया इलय् लाःगु गुंपुन्हिया लसताय् थीथी ख्यालिन्हिला, ख्यालः, वा पीगु जात्रालिसें थीथीकथंया जात्रा न्ह्याका वयाच्वंगु दु ।

सम्बन्धित बुखँ

LEAVE YOUR COMMENTS