महानगरया सहरी योजना आयोगय् डा. राजभण्डारी

येँ(नेपालभाषा टाइम्स)÷येँ महानगरपालिका सहरी योजना आयोगया उपाध्यक्षय् डा. सुमन नर्सिङ राजभण्डारीयात नियुक्त याइगु जूगु दु । येँ महानगर नगर कार्यपालिकाया २१ क्वःगु मुँज्यां डा. राजभण्डारीयात उगु पदय् नियुक्त यायेगु निर्णय याःगु खः ।

येँ महानगरपालिकाया नगर कार्यपालिकाया छुं दिं न्ह्यः ल्हुतिस्थित बाइसधाराय् च्वंगु मुँज्यां सहरी योजना आयोग (गठन व संचालन कार्यविधि–२०७५)या व्यवस्थाकथं उगु पदय् डा. राजभण्डारीयात नियुक्त यायेगु निर्णय याःगु खः । थ्व स्वयां न्ह्यः आयोगया उपाध्यक्ष तपेन्द्रबहादुर खड्कां व्यक्तिगत कारण क्यनाः पदं राजीनामा बियादीवं उगु पद प्वनाच्वंगु खः ।

पुल्चोक इन्जिनियरिङ क्याम्पसं स्नातकोत्तर यानादीम्ह डा. राजभण्डारीं उगु हे क्याम्पसय् अध्यापन नं यानादीगु खःसा अनंलि इटालीया बासिलिकाटा मटेरा विश्वविद्यालयं स्ट्रक्चरल इन्जिनियरिङय् विद्यावारिधि (पीएचडी) यानादीगु खः ।

डा. राजभण्डारीयाके विमानस्थल, ततःधंगु भवन, ततःधंगु परियोजना, गुरुयोजना, विस्तृत प्रतिवेदन निर्माण्, इन्जिनियरिङ सर्भे, आर्किटेक्ट लगायतया क्षेत्रय् ज्या यानादीगु अनुभव दु ।

गौतमबुद्ध विमानस्थल निर्माण परियोजनाया प्रबन्धक जुयाः ज्या यानादीम्ह वय्कलंप पोखरा क्षेत्रीय अन्तर्राष्ट्रिय विमानस्थलया डिजाइन, समीइाा, सिंहदरवारया मुख्य भवन, अपार्टमेन्टलिसें थीथी भवनया भूकम्पीय सबलीकरणया नं निंतिं नं ज्या यानादीगु दु ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल