लकडाउन जेठ ३२ तक थप यायेगु सरकारया निर्णय

येँ – सरकारं लकडाउनयात जेठ ३२ गते तक थप यायेगु निर्णय याःगु दु । शनिवाः प्रधानमन्त्री निवास बालुवाटरय् च्वंगु मन्त्रिपरिषदया मुँज्यां लकडाउनयात अझ थप यायेगु निर्णय याःगु खः । जेठ २० गते क्वचायेत्यंगु लकडाउन अझ थप यायेत कोरोना भाइरस रोकथाम व नियन्त्रण उच्चस्तरीय समितिं सरकारयात सिफारिस याःगु खः ।

सरकारं झिंनिन्हुया निंतिं थप याःगु लकडाउनया मोडालिटी धाःसा पायेफुगु खँ सरकारया प्रवक्ता डा. युवराज खतिवडां धयादिल । वय्कलं विज्ञत नापया परामर्शय् न्हूगु  मोडालिटी क्वःछिइगु धयादिल ।

अथेहे मुँज्यां अन्तर्राष्ट्रिय सिमाना व विमानस्थल असार १६ गत तक बन्द यायेगु नं निर्णय याःगु दु । मन्त्रिपरिषदं कोरोना संक्रमण न्यनाच्वंगु थासय् सेना परिचालन यायेगु निर्णय नं याःगु दु ।

सम्बन्धित बुखँ

LEAVE YOUR COMMENTS