
येँ (नेपालभाषा टाइम्स)- रत्नकीर्ति महाविहार अध्ययन मण्डलया ग्वसालय् मखं बहालय् चचा गुरु मणिरत्न बज्राचार्यं चचा व तुतःया बारे कार्यपत्र न्ह्यब्वयादीगु दु । विहार कार्यसमितिया अध्यक्ष बिद्यमान बिलास बज्राचार्यया समुस्थिति अध्ययन मण्डलया नायः जितेन्द्र विलास वज्रचार्यया सभापतित्वय् न्ह्याःगु ज्याझ्वलय् कार्यपत्रया समीक्षा मदनसेन बज्राचार्यं यानादीगु खः ।
विहारया छ्यान्जे सागरमान बज्राचार्यं नं थःगु बिचाः तयादीगु ज्याझ्वलय् लोटस रिसर्च सेन्टरपाखें बुद्ध जयन्तीया लसताय् ग्वसाःग्वःगु निबन्ध कासाय् न्हाप लाःम्ह रबिन्द्र बज्राचार्ययात भिंतुना देछासें हनेगु ज्या जूगु खः । वय्कलं न्हाप सिरपा कथं थःत वःगु झिद्वः तका दां अध्ययन मण्डलय् तयादीगु खः । वय्कलं कोषाध्यक्ष निरजबिलासयात नगद लःल्हानादीगु खः ।
LEAVE YOUR COMMENTS