नक्कली भुटानी काण्डय् हानं मेगु जाहेरी

येँ (नेपालभाषा टाइम्स)- नक्कली भुटानी शरणार्थी प्रकरणय् थप झिंच्याम्ह पीडिततय्सं जाहेरी बिउगु दु । येँया उपत्यका अपराध अनुसन्धान कार्यालयया कथं सानु भण्डारी, केशव दुलाल समेत जानाः नेपाःमियात भुटानी शरणार्थी दयेकाः अमेरिका छ्वयाबी धकाः थःपिंत ठगे याःगु धकाः उजुरी बिउगु खः ।

लमजुङ, सुनसरी, सिन्धुपाल्चोक, गोरखा, यल, चितवन व येँ यानाः झिंच्यागू जिल्लाया पीडिततय्सं १ करोड ८५ लाख ९२ हजार तका ठगे याःगु धासें स्वंगू बिस्कं बिस्कं किटानी जाहेरी बिउगु खँ प्रहरी कार्यालयया प्रवक्ता एसपी रविन्द्र रेग्मीं कनादीगु दु । कार्यालयं सक्कल जाहेरी, दरखास्त लगायतया भ्वं माःगु अनुसन्धान व कारबाहीया निंतिं जिल्ला प्रहरी परिसर टेकुइ छ्वःगु दु ।

नक्कली भूटानी प्रकरणया खँ सार्वजनिक जुइवं आः अमेरिकाय् नं थुकिया छानबिन याइगु खँ पिहां वःगु दु । गुलिखे नेपाःमित नक्कली भूटानी शरणार्थी जुयाः अमेरिकाय् वने हे धुंकूगु खँ सीदुगु दु ।

सम्बन्धित बुखँ

LEAVE YOUR COMMENTS