तःनिगः व बःनिगः बारे कार्यशाला

येँ(नेपालभाषा टाइम्स)- उदाय समाजया ग्वसालय् समुदायं याःगु ततःधंगु छुं नं पुजाय् मदयेक मगाःगु तःनिगः व बःनिगःयात कयाः कार्यशाला गोष्ठि याइगु जूगु दु । समाजया ग्वसालय् उगु कार्यशाला कन्हय् शनिवाः स्वयम्भू डल्लु आवासस्थित कसाः ख्यलय् जुइ ।

ज्याझ्वलय् मू वक्ताकथं बौद्ध विद्वान प्रा. डा. नरेशमान वज्राचार्ययात ब्वनातःगु दु । ज्याझ्वलय् वय्कलं उदायतय् पुजाय् मज्जिमगाःगु तःनिगः व बःनिगःया महत्व बारे प्रवचन बियादीगु जूगु दु । नापं ज्याझ्वलय् वय्कलं तःनिगः बःनिगः दयेकेगु तरिका नं स्यने ज्या यानादी । ज्याझ्वलय् ब्वति कायेत सःशुल्क नां दर्ता यायेमाःगु ग्वसाः खलकं जानकारी बिउगु दु ।

नेपाल संवत् न्हूदँ राष्ट्रिय समारोह समितिया ग्वसालय् छुं दिं न्ह्यः जक पुजाभःया महत्वया विषययात कयाः प्रवचन ज्याझ्वः जूगु खः । उगु ज्याझ्वलय् नं वय्कलं पुजाभःया ताजि, पुजाभलय् मदयेकं मगाःगु व तयेमाःगु ज्वलं आदि विषयय् प्रवचन बियादीगु खः ।