छत्रपाटी चिकित्सालयय् शपथ ग्रहण
येँ (नेपालभाषा टाइम्स)÷ छत्रपाटी चिकित्सालयया न्हू कार्यसमितिया पदाधिकारीपिनि शपथ ग्रहण जूगु दु । वंगु वैशाख १६ गते जूगु निर्वाचनं निर्विरोध निर्वाचित जूपिं पदाधिकारीपिंत निर्वाचन आयुक्त वरिष्ठ अधिवक्ता विश्वराज भट्टराईं शपथ ग्रहण याकूगु खः ।
चिकित्सालयया अध्यक्ष डा. मनोजमान श्रेष्ठया सभापतित्वय् जूगु ज्याझ्वलय् न्हूगु कार्यसमितियात कार्यभार लःल्हायेगु ज्या नं जूगु खः ।
ज्याझ्वलय् पुलांम्ह अध्यक्ष विजयबहादुर मालीं निर्वाचित सकसितं भिंतुना देछायादीगु खः ।
न्हूगु कार्यसमितिया अध्यक्षय् डा. मनोजमान श्रेष्ठ, उपाध्यक्षय् कुमारदेव मानन्धर, महासचिवय् डा. कृष्टिना श्रेष्ठ, सचिवय् जगदशी माली, कोषाध्यक्षय् लहना श्रेष्ठ, सह कोषाध्यक्षय् कृष्णप्रसाद मानन्ध, कार्यकारिणी सदस्यय् नविन मानन्धर, डा. निरन महर्जन, सुमनकृष्ण श्रेष्ठ, जुजुकाजी महर्जन, सुरज श्रेष्ठ व डिएलचन्द्र मानन्धर वःगु खः ।
न्हूगु कार्यकारिणी समितिया बैठकं सजनी जोशी व कपिल श्रेष्ठया दुजलय् मनोनित याःगु दुसा डा. सन्तोष मानन्धरयात मेडिकल डाइरेक्टरय् मनोनित याःगु दु ।
LEAVE YOUR COMMENTS