तोखाया बजेट १ अर्ब ८८ करोड
येँ(नेपालभाषा टाइम्स)÷तोखा नगरपालिकां वइगु आर्थिक दँया निंतिं १ गू अर्ब ८८ गू करोड तका बराबरया बजेट सार्वजनिक याःगु दु । तोखा नगरपालिकाया उपप्रमुख मुरारी तामाङं झिंस्वक्वःगु नगरसभाया निगूगु अधिवेशया झ्वलय् वंगु विहीवाः उगु बजेट सार्वजनिक यानादीगु खः ।
नगरपालिकां सार्वजनिक याःगु कुल बजेट चालुपाखे ६२ गू करोड स्वंगू लख ७० हजार (३२.९९ प्रतिशत) व पूँजीगतपाखे १ गू अर्ब २५ गू करोड ९६ गू लख स्वीद्वः तका (६८.०१ प्रतिशत)या खः ।
वइगु आर्थिक दँय् संघपाखें ५३ गू करोड ७३ लाख ७८ हजार, प्रदेश सरकारपाखें ११ गू करोड ५९ गू लाख २७ हजार, छेँबुँ रजिष्ट्रेसनपाखें २७ गू करोड, आन्तरिक व मेमेगु आयपाखें २४ गू करोड, ५२ गू लख ९५ हजार, राजस्व बाँडफाँडपाखें १४ गू लख, जन सहभागितापाखें छगू करोड व चालु आर्थिक दँपाखें अ.ल्या. जुइगु ७० करोड व्यहोरे यायेगु बजेटय् धयातःगु दु ।
चालु आर्थिक दँय् नगरपालिकां २ गू अर्ब ११ गू करोड ५६ गू लख न्हय्द्वः तका बजेट विनियोजन याःगु खः ।
थ्व हे झ्वलय् तोखा नगरपालिकाय् छुं ईया निंतिं नक्सा पास सम्बन्धी ज्या बन्द जुइगु जूगु दु । नगरपालिकां छगू सार्वजनिक सुचं जारी यासें नक्सा पासया ज्या बन्द जुइगु जानकारी बिउगु खः ।
नगरपालिकाया सुचनय् नक्सा पास अनलाइन सिस्टम (इएपीबीएस) य् वनीगु जूगुलिं वइगु साउन १५ गतेतक नक्सा पासया ज्या बन्द जुइगु जानकारी बिउगु खः ।
LEAVE YOUR COMMENTS