जनप्रतिनिधितय्सं अझं बुझे मयाः सम्पत्ति विवरण

येँ – राष्ट्रिय सतर्कता केन्द्रं निर्वाचित जनप्रतिनिधियात सम्पत्ति विवरण बुझे यायेत धाःसां अझं बुझे याःगु मदुनि । केन्द्रया कथं पटक पटक सम्पत्ति विवरण बुझे यायेत धाःसां अझं झिंच्यागू जिल्लाया जनप्रतिनिधिं थःगु सम्पत्ति विवरण बुझे याःगु मदुनि ।

कानुनकथं जनप्रतिनिधिइ निर्वाचित जूगु ६० न्हुया दुने वा आर्थिक दँ शुरु जूगु ० न्हुया दुने सकलें जनप्रतिनिधितय्सं थःथःगु सम्पत्ति विवरण सम्बन्धित निकायय् छ्वयेमाःगु खःसां आतक नं सम्पत्ति विवरण बुझे मयाःनिगु केन्द्रया प्रवक्ता विष्णुराज लामिछानें कनादिल ।

केन्द्रं बिउगु जानकारीकथं ओखलढुंगा, सिरहा, ते¥हथुम, हुम्ला, संखुवासभा, महोत्तरी, सर्लाही, धादिङ, डोल्पा, अछाम, जाजरकोट, कैलाली, बैतडी, दार्चुला, रौतहट, नवलपरासी पूर्व, मनाङ व कञ्चनपुरया प्रतिनिधितय्सं आतक नं सम्पत्ति विवरण बुझे याःगु मदुनि ।

थगुने बैशाख ३१ गते न्हापांखुसी, असार १४ गते निक्वःखुसी व असोज २ गते स्वक्वःखुसी जूगु चुनावं जनप्रतिनिधिइ निर्वाचित जूपि इमिसं आतक नं सम्पत्ति विवरण बुझे मयाःगु केन्द्रं न्ह्यथंगु दु ।केन्द्रं तःक्वःमछिं ताकेता याःसां झिंच्यागू जिल्लाया जनप्रतिनिधिं सम्पत्ति विवरण बुझे मयायेवं न्यय्गुंगू जिल्लाया जनप्रतिनिधिया सम्पत्ति विवरण अख्तियारयात लःल्हाःगु दु ।