पीपीजी युकेया न्हूगु ज्यासना पुचः
येँ(नेपालभाषा टाइम्स)÷बेलायतय् च्वनाच्वंपिं नेवाःतय् संस्था पासा पुचः गुथि (पीपीजी) युकेया आः नकतिनि जूगु तःमुँज्यां न्हूगु ज्यासना पुचः ल्यःगु दु । राजधानी लन्दनया प्लमस्टिडस्थित गोर्खा क्याप्रिकनय् जूगु तःमुँज्यां न्हूगु ज्यासना पुचः ल्ययेगु नापं गुथि व गुथिया ज्याझ्वःयात थीथीकथं ग्वाहालि यानादीपिंत हनेज्या नं याःगु खः ।
सन् २०२३–२०२५ निदँया निंतिं ल्यःगु न्हूगु ज्यासना पुचलय् सुशील प्रजापतियात नायःकथं ल्यःगु दु । अथे हे ज्यासना पुचलय् रुक्मणि मानन्धर, दिव्य महर्जन व विजयमान डंगोल न्वकु, नगेन्द्र श्रेष्ठ मूछ्याञ्जे, रजनी श्रेष्ठ दांभरिं, प्रजेश श्रेष्ठ व लिसा दली श्रेष्ठ लिउ छ्याञ्जे व श्याम श्रेष्ठ लिउ दांभरिंलय् निर्वाचित जुयादीगु दु ।
ज्यासना पुचःया दुजलय् सचेतन तुलाधर, सबिता मानन्धर, मधुसुदन कायस्थ, रमेश श्रेष्ठ, यादव श्रेष्ठ, सुरोज मास्के, माधवलाल श्रेष्ठ, सोनी श्रेष्ठ, चरण प्रधान, केशव श्रेष्ठ व सकिला मानन्धरयात ल्यःगु दु ।
नायः ओजेश सिंहया सभापतित्वय् जूगु तःमुँज्याया उलेज्या वय्कःलिसें गुथिया संस्थापकपिं अमृत स्थापित, बालमुकुन्द जोशीं मंकाःकथं त्वाःदेवाय् मत च्याकाः यानादीगु खः ।
नेपाःया राष्ट्रिय गान हायेकाः न्ह्याःगु ज्याझ्वलय् न्वकु सुशिल प्रजापतिं वंगु निदँया कार्यकालय् जूगु ज्याया प्रगति विवरण व दांभरिं रजनी श्रेष्ठं आर्थिक प्रतिवेदन न्ह्यब्वयादीगु खः । अथे हे ज्याझ्वलय् अल्डरसट शाखाया प्रजेश श्रेष्ठ, लन्दनपाखें ओजेश सिंह, रेडिङपाखें दिव्य महर्जन व साउथ इष्ट लन्दनपाखें नगेन्द्र श्रेष्ठं थःथःगु शाखाया विवरण नं न्ह्यब्वयादीगु खः ।
ज्याझ्वलय् गुथिया संस्थापकपिं अमृत स्थापित, महन्त श्रेष्ठ, शशी मानन्धर, बालमुकुन्द जोशी, उत्तम अमात्य, अर्जुन प्रधान व धर्म शाक्ययात हनेज्या याःगु खः । थुकथं हे संस्थायात ताःई न्ह्यःनिसें थीथीकथं योगदान बियादीपिं गुथिया दुजःपिं कुमार श्रेष्ठ, मनिष श्रेष्ठ, राजेन्द्र श्रेष्ठ, जानकी कायस्थ, कपिल श्रेष्ठ, राजन मल्ल व केशव श्रेष्ठ नापं सल्लाहकारपिं सचेतन तुलाधर, यादव श्रेष्ठ, शिवजी श्रेष्ठ, कपिल श्रेष्ठ व राजेन्द्र श्रेष्ठयात नं विशेष सम्मान याःगु खः ।
अथे हे गुथि व गुथिं याःगु थीथी ज्याझ्वलय् थीथीकथं ग्वाहालि व योगदान यानादीपिंत नं विशेष सम्मान याःगु खः । गुथिया थीथी ज्याखँय् ग्वाहालि यानादीपिं सोहन सुवाल, विष्णुप्रसाद प्रजापति व संजिव श्रेष्ठ (रथ निर्माण), सुरज माकजु व कृष्ण वैद्य (धिमे कक्षा), सुनिता डंगोल, आनन्दकुमार महर्जन, सुवर्ण वज्राचार्य (नेपाल लिपि), मेरिलिना फ्रिसोन (नेपालभाषा कक्षा), नीर महर्जन (आइटी), समेन महर्जन (वेबसाइट निर्माण) ईश्वर महर्जन (एक्टिभ रन), महेन्द्र शाक्य (स्वयंसेवक), सुशिला मल्ल, विना श्रेष्ठ, परशुराम बदगामि (इहि व कय्तापुजाय् ग्वाहालि), मदनमान श्रेष्ठ (गुथियात मदिक्क ग्वाहालि) यात नं गुथिं विशेष हनेज्या याःगु खः ।
ज्याझ्वलय् निवर्तमान नायः सिंह, संस्थापकपिं अमृत स्थापित, बालमुकुन्द जोशी, सल्लाहकारपिं शिवजी श्रेष्ठ, मनिष श्रेष्ठ, सचेतन तुलाधरपिंसं भिंतुना न्वचुलिसें नुगःखँ तयादीगु खः । नवनर्विाचत नायः प्रजापतिं नेपालभाषा, कला, संस्कृतिया संरक्षण व प्रवद्र्धनया निंतिं वइगु दिनय् वर्तमान ज्यासना पुचः नं निरन्तर रुपं न्ह्यचिलेगु प्रतिवद्धता प्वंकादिसें सकसिनं थःथःगु थासं ग्वाहालिया निंतिं इनाप यानादिल ।
न्हूगु ज्यासना पुचः ल्ययेत बालमुकुन्द जोशीया संयोजकत्वय् ओजेश सिंह सचिव, अमृत स्थापित, सचेतन तुलाधर, शिवजी श्रेष्ठ व मदनमान श्रेष्ठ दुजःकथं दुथ्याःगु निर्वाचन कमिटी गठन याःगु खः । ज्याझ्वलय् स्कटल्याण्डनिसें लन्दनतक न्यनाच्वंगु गुथिया थीथी च्याप्टरया सछि स्वयां अप्वः प्रतिनिधिं ब्वति काःगु खः ।
LEAVE YOUR COMMENTS