
येँ(नेपालभाषा टाइम्स)- निर्वाचन आयोगं जिल्ला निर्वाचन कार्यालय खारेज याःगु विरुद्ध कानुनी उपचार मालेगु तयारी शुरु याःगु दु । सरकारं निर्णय मभिंकल धाःसा आयोग व सरकार दथुइ संवैधानिक समस्या ब्वलनीगु जूगुलिं स्वायत्त छवि व अधिकारया संरक्षणया नितिं आयोगं कानुनी उपचार माले मालीगु खँ निर्वाचन आयुक्त रामप्रसाद भण्डारीं धयादीगु दु ।
संविधानय् दुगु व्यवस्था अःखः वनाः सरकारं आयोगयात कार्यपालिका मातहत तयेगु ज्या याःगुलिं उकियात कयाः दलतलिसे थौं परामर्श यायेत्यनागु खँ नं वय्कलं कनादिल ।
सरकारं बजेट भाषणया झ्वलय् जिल्ला निर्वाचन कार्यालय खारेज यानाः आः उकियात सीडीओ मातहत तयेगु धकाः घोषणा याःगु खः । सीडीओ मातहत निर्वाचन आयोग तयेत्यन धकाः संसदय् विपक्षी सांसदतय्सं विरोध नं यानाच्वंगु दु ।
LEAVE YOUR COMMENTS