कीर्तिपुण्य महाविहारय् पंचदान ज्याझ्वः

येँ(नेपालभाषा टाइम्स)- शाक्य महाविहार संघया ग्वसालय् वंगु तछलाथ्व ज्याःपुन्हि आइतवाःकुन्हु थनया लगंस्थित गोफः त्वालय् च्वंगु कीर्तिपुण्य भुवन सिन्दर महाविहारय् पंचदान ज्याझ्वः जुल । श्री गणेश व श्री भैरवया समुपस्थितिइ संघपाखें पंचबुद्धया प्रतीककथं कयातःपिं श्रद्धेय स्थविर आजुपिंत पंचदान बिउगु खः ।

दीपंकर तथागतया पुजा यासें न्ह्याःगु पंचदानय् लायकूया श्री कुमारि माजुयात नं दान प्रदान यायेकथं भाग तयाः पंचदान न्ह्याकूगु खः । येँ देय्या शाक्य समुदायया वन्दे लुइगु (प्रव्रज्याभिषेक) याइगु झिगू बहाःया न्याम्ह न्याम्ह यानाः मुक्कं न्यय्म्ह थाय्पा व बहाःया प्रतिनिधिपिंत बिज्याकाः वज्रयानी विधिकथं पंचदान बिउगु खः ।

श्रीशान्तिघट वज्रधातु चैत्य महाविहार (सीघः), रत्नमण्डप महाविहार (नघः), अशोक चैत्य महाविहार (असं), महाबुद्ध महाविहार (महाबू), धर्मचक्र महाविहार (वतु,), मञ्जुुश्रीनक महाविहार (ओमबहाःया), धर्माकर महाविहार (यंगाः), कीर्तिपुण्य महाविहार (क्वहिति), रत्नाकर महाविहार (हिउमत बहाः) व कीर्तिपुण्य भुवन सुन्दर महाविहार (गोफः) या थायपाआजुपिंत पंचदान बिउगु खः ।

सम्बन्धित बुखँ

LEAVE YOUR COMMENTS