ब्लोदानया क्लब २५या न्हूधाः

यल(नेपालभाषा टाइम्स)÷ब्लड डोनर्स एशोसियसन नेपाल (ब्लोदान)या भातृ संगठन क्लब २५ नेपालया न्हूधाः याःगु दु । थनया एकान्तकुनाय् च्वंगु महेन्द्र भृकुटी माध्यमिक विद्यालयय् जूगु छगू ज्याझ्वःया दथुइ क्लब २५ या न्हूधाः याःगु खः ।

ब्लोदानया केन्द्रीय अध्यक्ष ई. सानुबाबु प्रजापतिया विशेष उपस्थितिइ जूगु मुँज्यां किशोर सिख्राकारया अध्यक्षताय् १९ गुम्हेसिया न्हूगु ज्यासना पुचः ल्यःगु खः । ज्याझ्वलय् ब्लोदानया उपाध्यक्ष राजेश श्रेष्ठ, महासचिव केशव महर्जन, कोषाध्यक्ष मचाकाजी महर्जन, केन्द्रीय दुजःलिसें क्लब २५इन्चार्थ विनोद तुलाधर, केन्द्रीय दुजः राधिका श्रेष्ठ, ब्लोदान येँ जिल्ला अध्यक्ष जनक खड्का, दुजः सीता न्यौपाने, क्लब २५ या पुलांम्ह नायः शैलेन्द्र शाक्य लगायतया उपस्थिति दुगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल