पूर्व सांसद आङटावायात न्याम्हेसिया उजुरी

येँ (नेपालभाषा टाइम्स)- नक्कली भुटानी शरणार्थी प्रकरण् दुथ्याःम्ह पुलांम्ह सभासद आङटावा शेर्पा विरुद्ध न्याम्हेस्यां किटानी जाहेरी बिउगु दु । दोलखाया न्याम्ह पीडिततय्सं थःपिंत नक्कली भुटानी शरणार्थी दयेकाः अमेरिका छ्वयाबी धकाः ध्यबा ठगे याःगु धासें शेर्पा विरुद्ध जाहेरी बिउगु खः ।

जिल्ला प्रहरी परिसरं म्हिगः हे अनुसन्धान क्वचायेकाः सरकारी वकिल कार्यालयय् प्रतिवेदन छ्वयेगु तयारी यानाच्वंगु इलय् जाहेरी वयेवं प्रहरी अलमल जूगु खः । शेर्पां दोलखा, रामेछाप व ओखलढुंगाया मनूतय्त अमेरिका छ्वयाबी धकाः ध्यबा म्हःगु द्वपं लाःगु दु ।

थः विरुद्ध पक्राउ पुर्जी जारी जुइधुंकाः शेर्पां वंगु जेठ १ गते प्रहरी समक्ष आत्मसमर्पण याःगु खः ।