ने. सं. ११४६ तछलाथ्व पञ्चमी - सिद्धिचरण श्रेष्ठ बुदिं

पम्प्लेट इनाच्वंपिंत ज्वन

येँ (नेपालभाषा टाइम्स)- येँ महानगरपालिका दुने कलेजय् भर्ना यायेगु पम्प्लेट इनाच्वंपिं ६१ म्हेसित नगर प्रहरीं ज्वंगु दु । स्कुल स्कुलया न्ह्यःने च्वनाः कलेजय् भर्ना जुइगु पम्प्लेट इनाच्वंगुलिं उमित ज्वंगु खः ।

येँ महानगरपालिकां थथे विज्ञापनजन्य सामग्री इनेगुलिइ प्रतिबन्ध तयातःगु दु । पम्प्लेट मइनेत तःक्वःगु हे धयागु खःसां अटेर जुयाः लँय् वःपिंत, स्कुलं परीक्षा बियाः पिहांवःपिं विद्यार्थीपिंत थीथी कलेजया पम्प्लेट इनाच्वंगुलिं उमित ज्वनागु खँ नगरप्रहरीं धाःगु दु । थथे ज्वने धुंकाः संस्थागत ल्याखं न्याद्वः न्याद्वः जरिवाना कयाः उमित त्वःतूगु दु । गुगु संस्था वा स्कूल कलेजया पम्प्लेट इनाच्वंगु खः, उगु संस्थायात न्याद्वः तका जरिवाना काःगु खः । आः नं थथे पम्प्लेट इनेगु ज्या यात धाःसा जरिवाना अप्वयेकेगु खँ नं महानगर प्रहरीं धाःगु दु ।