येँ महानगरया ‘केएमसी’ एप

येँ(नेपालभाषा टाइम्स)- येँ महानगरपालिकां सेवाग्राहीयात बिया वयाच्वंगु सेवा प्रवाह थप सुधार, सहजता व सेवाग्राहीया सुविधायात ध्यानय् तयाः ‘केएमसी’ एप संचालनय् हःगु दु । महानगरं प्रवाह याना वयाच्वंगु सेवायात एकीकृत यानाः डिजिटल सुशासन प्रणाली अन्तर्गत उगु एप संचालनय् हःगु खः ।

उगु एपपाखें महानगरपाखें उपलब्ध सिफारिस, अनलाइन राजस्व, नागरिक बडापत्र, जनगुनासो, स्मार्ट कर, सम्पत्ति कर, व्यवसाय कर, मालपोट कर लिसें थीथी ३० गू स्वयां अप्वः सेवा सुविधा काये फइगु खँ धाःगु दु । लिसें सेवाग्राहीं आवंलिं भुक्तानी सम्बन्धी ज्या नं छेँय् च्वनाः हे याये फइगु जूगु दु ।

थुगु एपपाखें सेवाग्राहीं न्ह्यागु थासय् च्वनाः नं सेवा काये फइगु महानगरपालिकां जानकारी बिउगु दु ।