हेटौंडाय् प्यम्ह युगपुरुष नेताया झ्वाता

यँे – हेटौंडाय् नेपाःया प्रजातान्त्रिक आन्दोलनया प्यम्ह युगपुरुषया पूर्णकदया झ्वाता पलिस्था याःगु दु । प्रदेश नं. ३ या राजधानी हेटौंडा – ११ स्थित शहीद स्मारक पार्क दुने नेपाःया प्रजातान्त्रिक व वाम आन्दोलनया प्यम्ह युगपुरुषया झ्वाता पलिस्था याःगु खः ।

पार्कय् नेपाःया प्रजातान्त्रिक आन्दोलनया नेता मदुम्ह वीपी कोइराला, गणेशमान सिंह, पुष्पलाल श्रेष्ठ व मनमोहन अधिकारीया पूर्णकदया झ्वाता पलिस्था याःगु खः । शहीद स्मारक विकास समितिं बिउगु जानकारीकथं प्यम्ह युग पुरुषया राष्ट्रिय वसः पुनातःगु पूर्णकदया ध्वाता पलिस्था याःगु खः ।

युगपुरुषया झ्वाता पलिस्था यायेगु ज्या जूसां उकिया अनावरण यायेगु ज्या धाःसा जूगु मदुनि वइगु छुं दिंया दुने अनावरण यायेगु तयारी जुयाच्वंगु दु ।

सम्बन्धित बुखँ

LEAVE YOUR COMMENTS