ने. सं. ११४४ कौलाथ्व तृतीया -

टोपबहादुर रायमाझी बेपत्ता !

येँ (नेपालभाषा टाइम्स)-नेकपा एमालेया अध्यक्ष केपी ओलीं देय्या उपप्रधानमन्त्री जुइधुंकूम्ह व बहालवाला सांसदयात प्रहरीं ज्वनाः न्यवः घाकेत स्वःगु धासें घटना रहश्यमय जूगु खँ धयादीगु दु ।

नक्कली भुटानी शरणार्थी दयेकाः अमेरिका छ्वयेगु प्रसंगय् प्रहरीं एमालेया सचिव टोपबहादुर रायमाझीयात ज्वनेत्यंगु सन्दर्भय् वय्कलं उगु खँ धयादीगु खः । ओलीं म्हिगः सिंहदरवार वनाः प्रधानमन्त्रीया ध्यानाकर्षण याकुसें दोषीयात त्वःते मजिउगु व निर्दोषयात फँसे याये मजिउगु खँ धयादीगु दु ।

प्रम नापलानाः पिहां वयाःलि पत्रकारतलिसे खँ ल्हासें अध्यक्ष ओलीं धयादिल, ‘थ्व प्रकरणय् सु–सु दोषी खः ? नियतवश सालेगु कुतः याःगु खः लािक धकाः जिमिसं नं अध्ययन यानाच्वनागु दु । निर्दोषयात फँसे यात धाःसा जिपिं सुम्क च्वनेगु जुइ मखु ।’ मेखे प्रहरीं एमाले सचिव टोपबहादुर गन दु धकाः मालेगु ज्या न्ह्याकाच्वंगु खँ सीदुगु दु । म्हिगः हे हवाइजहाजं येँय् वयेत्यंम्ह टोपबहादुर लिपा हवाइजहाजया टिकट क्यान्सिल यानाः सम्पर्कबिहीन जूगु खः ।

येँ जिल्ला अदालतं टोपबहादुरया काय् सन्दिप रायमाझीयात धाःसा स्वन्हु तक कुनाः अनुसन्धान यायेत अनुमति बिउगु दु । सन्दिपयात म्हीग बहनी बुटवलं ज्वनाः येँय् हःगु खः ।

उकथं हे नक्कली भुटानी शरणार्थी दयेकूगु प्रकरणय् दुथ्याःम्ह पुलांम्ह गृहमन्त्री रामबहादुर थापा ‘बादल’ या काय् प्रतिक थापां अनुसन्धान ज्याय् ग्वाहालि याये धाःगु दु । थापां म्हिगः छगू प्रेस विज्ञप्ति पिथँसें थःगु नं नां स्वाःगु विषयय् अनुसन्धान प्रक्रियाय् ग्वाहालि यायेगु खँ धाःगु खः ।

थ्वहे दथुइ रामबहादुर थापाया काय् प्रतीक थापां न्हापा रामबहादुर गृहमन्त्री जुयाच्वंगु इलय् पोखराया छगू होटलय् पासापिं नाप अय्लाः त्वनाः ध्यबा मपूगु घटना नं चर्चाय् वःगु खः । उगु इलय् प्रतीकं छम्ह यौन व्यवसायीयात होटलय् ब्वना हःगु व उकी होटलथुवालं विरोध याःबलय् विवाद जूगु खः ।

अझ नं ज्वनेगु सम्भावना दनि
थ्वहे झ्वलय् प्रहरी नकली भुटानी शरणार्थी प्रकरणय् थप मनूत ज्वने फइगु खँ धाःगु दु । जिल्ला प्रहरी परिसर येँया प्रमुख एसएसपी दानबहादुर कार्कीं अझ नं झिम्ह झिंछम्हेसित ज्वनेफइगु खँ धयादीगु दु । झिम्ह झिंछम्ह ज्वने फइगु प्रारम्भिक अवस्था दु धासें मेपिं