येँमपा १८ वडाय् पुलांम्ह मदुम्ह वडाअध्क्ष चन्द्रानन्द नेवाःया झ्वाता
येँ (नेपालभाषा टाइम्स)÷ येँ महानगरपालिका १८ वडाय् मदुम्ह पुलांम्ह वडाअध्यक्ष चन्द्रानन्द नेवाःया झ्वाता पलिस्था याःगु दु । २०१९ सालनिसें २०५९ सालतक येँ महानगरपालिका १८ वडाय् थःत पानावःम्ह मदुम्ह पुलांम्ह वडाअध्यक्ष चन्द्रनन्द नेवाःया पूर्णकदया झ्वाता म्हिगः वय्कःया दकिला पुण्य तिथिस येँमपा १८ वडाया ज्याकुथिइ उपप्रमुख सुनिता डंगोलं उलेज्या यानादिल ।
येँमपा १८ वडा अध्यक्ष न्हुछेकाजी महर्जनया सभापतित्वय् जूगु उगु ज्याझ्वलय् मूपाहां सुनिता डंगोल, येँ महानगरपालिकाया पुलांम्ह प्रमुख विद्यासुन्दर शाक्य, येँमपा २७ वडाया पुलांम्ह अध्यक्ष चिनियामान वज्राचार्य, येँमपा १८ वडाया पुलांम्ह वडा सदस्य हरिकृष्ण डंगोललगायतपिंसं वय्कःया लिसेया थःपिनिगु अनुभवया बारे नुगःखँ प्वंकुसे श्रद्धाञ्जली देछानादीगु खः । अ
थे हे ज्याझ्वलय् मूर्तिकार श्याम तुलाधरयात उपप्रमुख डंगोलं सम्मानपत्र बियाः सम्मान नं यायेगु ज्या जूगु खः ।
LEAVE YOUR COMMENTS