फ्लाइ दुबईया विमानय् मि च्याःगु कारण झंगः जूवःगुलिं

येँ (नेपालभाषा टाइम्स)÷ येँया त्रिभुवन विमानस्थलं ब्वःगु फ्लाई दुबईया विमानय् झंगः न्यानाः मि च्याःगु सीदुगु दु । फ्लाई दुबईया ज्याकुथिं धाःकथं त्रिभुवन विमानस्थलं ब्वःगु एफजेड ५७६ य जहाजय् झंगः न्याःवःगुलिं मि च्याःगु व तच्वःगु सः वःगु खः ।

जहाज मि च्याःगु जानकारी वयेवं पाइलटतय्सं धार्केय् विमानयात होल्ड यानाः निरीक्षण याःगु खः । विमानय् छुं मजुइगु सिइवं येँ स्थित टावरयात विमान यंकेत अनुमति फ्वंगु खः । टावरया अनुमति दयेवं विमानयात दुबई हे यंकूगु खः ।