द्वन्द्व लिपाया निगुलिं आयोगया म्याद तनीगु

येँ – झिदँ ताःहाकःगु माओवादी द्वन्द्वय् पीडितपिंत राहत व बेपत्ता जूपिनि छानबिन यायेगु लागिं धकाः गठन यानातःगु निगू आयोग–सत्य निरुपण तथा मेलमिलाप आयोग व बेपत्ता छानबिन आयोग– या म्याद क्वचाःसां उकिया पदाधिकारी जक परिवर्तन यानाः आयोग धाःसा हानं ताःहाकः न्ह्याका तये फइगु कथंया छगू विधेयक सरकारं सदनय् दर्ता याःगु दु ।

तर सरकारं आः थ्व निगू आयोगया पदाधिकारी जक हिलाः आयोगया म्याद धाःसा ताःहाकः याःसां आःया हे अवस्था जुयाच्वंसां थुकिं ज्या याये मफइगु खँ विज्ञतय्सं धाःगु दु । सरकारं वृहत् शान्ति सम्झौताय् हस्ताक्षर जूगुयां खुला लिपा हे थ्व आयोग गठन यायेगु धाःसां च्यादँ लिपा जक गठन याःगु खःसां माःगु कानून मदयाः थुकिं ज्या धाःसा याये मफुगु खः ।

सत्य निरुपण आयोगय् ६० हजार व बेपत्ता छानबिन आयोगय् २५०० गू उजुरी दर्ता जुयाच्वंगु दु । थ्व निगुलिं आयोगया लागिं आवश्यक कानून अझं महःगु व थुकी ज्या याइपिं कर्मचारीतय्त माक्व सुविधा मबिउगु कारणं निगुलिं आयोग पंगु जुयाच्वंगु खँ नं विज्ञतय्सं धाःगु दु । आयोग पदाधिकारीतय्सं कानून मदयेकल धाःसा दथुइ हे राजीनामा बी धकाः ताः ई न्ह्यवंनिसें हे सरकारयात ख्याच्वः बिया वयाच्वंगु खः ।

सम्बन्धित बुखँ

LEAVE YOUR COMMENTS