बाँके व कपिलवस्तुइ थप ३म्हेसित कोरोना

येँ – कोरोना भाइरसपाखें बाँके व कपिलवस्तुइ ३म्हेसित संक्रमण जूगु दु । स्वास्थ्य तथा जनसंख्या मन्त्रालयया सह प्रवक्ता डा. समिरकुमार अधिकारीं बाँकेय् २म्ह व कपिलवस्तुइ छम्हेसित संक्रमण जूगु पुष्टि यानादीगु दु ।

नेपालगञ्जय् च्वंगु भेरी अस्पतालय् याःगु परीक्षणय् बाँके नरैनापुर-३या ३२दँया मिजं व खजुरा-३या ४२दँया मिसायात संक्रमण खनदुगु खः । अथेहे रुपन्देहीया प्रादेशिक जनस्वास्थ्य प्रयोगशालाय् याःगु परीक्षणय् रुपन्देहीया सुद्धोधन गाँउपालिकाया १९दँया मिजंयात संक्रमण खनेदुगु खः ।

अथेहे बिहीवाः न्हिनय् दाङया घोराही उपमहागरपालिकाया वडा नं ३या ३७दँया मिजंयात नं संक्रमण जूगु दु । थ्व नापं नेपालय् संत्रमिततय् ल्याः ४ सय ५३म्ह थ्यंगु दु ।