राष्ट्रिय क्रिकेट टिमया मुख्य प्रशिक्षकया निंतिं ६० म्हेसिया आवेदन

एजेन्सी- नेपाःया राष्ट्रिय क्रिकेट टिमया मुख्य प्रशिक्षकया निंतिं विश्वन्यंक च्वपिं ६० म्हेसिनं आवेदन बिउगु दु । नेपाल क्रिकेट संघं (क्यान) सोमवाः छगू विज्ञप्ति पिकयाः थ्व जानकारी बिउगु खः । क्यानं बिउगु जानकारीकथं मुख्य प्रशिक्षकया निंतिं आवेदन तःपिनिगु याकनं हे सर्टलिस्ट याइगु व सर्टलिस्ट जूपिनिगु अन्तरवार्ता कायेधुंकाः प्रशिक्षक ल्यइ ।

डेभ ह्वाटमोरं वंगु भदौ महिनाय् अप्रत्यासितरुपं राजीनामा बिउगु खः । ह्वाटमोरया राजीनामा लिपा प्रशिक्षकविहिन जूगु नेपाःया टिमया निंतिं क्यानं कात्तिक १ गते नेपाःया राष्ट्रिय क्रिकेट टिमया मुख्य प्रशिक्षकया निंतिं खुल्ला दरखास्त आह्वान याःगु खःसा कात्तिक १४ गते आइतवाः बहनी तकया दुने ६० म्हेसिया आवेदन वःगु खः ।

प्रशिक्षक ह्वाटमोरया प्रशिक्षणय् नेपालं ओमानय् आइसिसी विश्वकप लिग २ म्हितूगु खःसा प्रशिक्षक जूगुया च्याला लिपा पारिवारिक कारण क्यनाः ह्वामोटरं राजीनामा बिउगु खः ।

नेपालभाषा टाइम्स

च्वमिया मेमेगु

• ज्यापु दिवसया लसताय् सुकुन्दा र्‍याली
• मस्तय् अनलाइन जोखिमपाखें सुरक्षित यायेत सरकार प्रतिबद्ध
• ‘आः विमान न्यायेत फुक्क हे ग्याइगु जुल’
• नेवाः हना सिरपाः लःल्हात
• एनपिएलय् न्हापांगु शतक, पोखरा व कर्णाली त्यात