एभ्रिटिङ एभ्रिह्वेयर अल एट वन्सयात न्हय्गू ओस्कार

एजेन्सी- छम्ह चिनिया मूलया अमेरिका ब्यापारी थः लेखापरीक्षकलिसे याइगु संघर्षया बाखं दुगु फिल्म ‘एभ्रिथिङ एभ्रिह्वेयर अल एट वन्सं’ थुगुसीया ओस्कार अवार्डय् न्हय्गू सिरपाः त्याकेत ताःलाःगु दु । थ्व फिल्मं सर्वोकृष्ट फिल्म, सर्वोत्कृष्ट निर्देशक, सर्वोकृष्ट अभिनेत्री, सर्वोकृष्ट सहअभिनेता, सर्वोकृष्ट सहअभिनेत्री, सर्वश्रेष्ठ मौलिक पटकथा व सर्वश्रेष्ठ सम्पादन यानाः न्हय्गू अवार्ड ल्हातय् लाकूगु खः ।

इन्डी स्टुडियो ए ट्वान्टी फोरं दयेकूगु थ्व फिल्मया निर्देशक ड्यानियल क्वान व ड्यानियल सिनर्ट खः । फिल्मं सर्वोत्कृष्ट अभिनेत्रीया सिरपाः त्याकूम्ह कलाकार मिसेल योह थ्व विधाय् अवार्ड त्याकूम्ह न्हापांम्ह एशियाली अभिनेत्री जूगु दु । योह ओस्कार त्याकूगु मार्सल आर्ट फिल्म क्राउचिङ टाइगर हिडन ड्य्रागनया अभिनेत्री खः ।

सर्वेश्रेष्ठ अभिनेता पाखे धाःसा द ह्वेल फिल्म ब्रेन्डन फ्रेजर सिरपा त्याकल । सर्वश्रेष्ठ अभिनेताया अवार्ड के हुए क्वान व सर्वश्रेष्ठ अभिनेत्रीया अवार्ड जेमी लि कोर्टिसं त्याकूगु दु ।

दक्षिण भारतीय फिल्म ‘आरआरआर’या म्ये ‘नाटु नाटु’ नं सर्वश्रेष्ठ मौलिक म्येया ओस्कार त्याकेत ताःलाःगु दु । नांजाःम्ह निर्देशक स्टिफन स्पिलवर्गया अवतार ः द वे अफ वाटरं धाःसा सर्वश्रेष्ठ भिजुअल इभेक्ट विधाय् छगू जक अवार्ड त्याकेत ताःलात । डकुमेन्ट्री सर्ट फिल्मया अवार्ड द एलिफेन्ट विह्स्पर्सं त्याकलया अन्तर्राष्ट्रिय फिचर फिल्मया अवार्ड जर्मनीया अल क्वाइट अन द वेस्टर्न फ्रन्टं त्याकूगु दु । अथेहे डकुमेन्ट्री फिचर फिल्मया अवार्ड नाभाल्नीं त्याकलसा सर्वश्रेष्ठ एनिमेटेड फिचर फिल्म गुइलेमो डेल टोराको पिनोचियो जूगु दु ।

 

सम्बन्धित बुखँ

LEAVE YOUR COMMENTS