नाला करुणामयया जात्रा

भ्वत(नेपालभाषा टाइम्स)- प्यम्ह करुणामय मध्ये छम्ह नाला करुणामयया जात्रा वंगु चिल्लागा तृतियाकुन्हु जुल । सृष्टिकान्त लोकेश्वरया नामं नं म्हसिया च्वंम्ह नाला करुणामययात खटय् तयाः नाला देय् चाःहिकाः जात्रा याःगु खः ।

थ्व स्वयां न्ह्यः होलिपुन्हिया कन्हय्कुन्हु अर्थात चिल्लागा पारुकुन्हु नालास्थित न्हवं दबुलिइ नाला करुणामयया न्हवं याःगु खः । न्हवंलिपा करुणामयया मूर्तिपाखें जीवन्यास लिकयाः ब्रम्ह कलशय् थापं याःगु खः । अनंलि कन्हय्कुन्हु नाला करुणामयया लंपुं छायेगु ज्या लिसें नाला करुणामययात यायेमाःगु दशकर्म विधि पुजा याःगु खः ।

दशकर्म पुजा सिधयेकाः प्राण प्रतिष्ठालिसे द्यःयात खटय् बिज्याकाः जात्रा याःगु खः । दँय्दसं चिल्लागा तृतियाकुन्हु जात्रा याइम्ह थुम्ह करुणामयया जात्राया इलय् नाला देय् नाला देय् चाःहिकेगु परम्परा दया वयाच्वंगु दु ।

नेपालभाषा टाइम्स

च्वमिया मेमेगु

• महानगरं स्वम्ह नेवाः हस्तीयात हनीगु
• खुसि सिथया मापदण्ड स्थगित
• ज्यापु दिवसया लसताय् सुकुन्दा र्‍याली
• मस्तय् अनलाइन जोखिमपाखें सुरक्षित यायेत सरकार प्रतिबद्ध
• ‘आः विमान न्यायेत फुक्क हे ग्याइगु जुल’