ने. सं. ११४६ अनलाथ्व पुन्हि -

‘कोशी प्रदेश’ च्वयातःगु साइन बोर्ड चीकेगु अभियान

येँ (नेपालभाषा टाइम्स)- ‘कोशी प्रदेश’ नां तःगुया विरुद्ध देय्या पूर्वय् च्वंपिं आदिवासी जनजातित आन्दोलित जूगु दु । थ्व नां विरुद्ध अनया आदिवासी जनजातितय्सं आः निगूगु चरणया आन्दोलन घोषणा याःगु दु । थ्व झ्वलय् थौं देय्न्यंकं हाकुगु ध्वाँय् ब्वयेकेगु व पूर्वी लागाया स्थानीय निकायय् तालं ग्वयेगु ज्याझ्वः दु ।

अथे हे थौं प्रदेश दुने गन गन कोशी प्रदेश धकाः नां तल अन च्वंगु साइन बोर्ड वांछ्वया बीगु व उकिया नापं तुं कोशी प्रदेश च्वयातःगु लेटर हेड नं च्याकेगु कार्यक्रम दयेकूगु दु ।

लिसें २७ गते प्रदेशन्यंकं मशाल जुलुस पिकायेगु व २८ गते प्रदेश बन्दया घोषणा याःगु दु । बन्दया घाेषाणा लिपा थाैं हे थन गाडी चले जुइगु म्हाे जुयाच्वंगु दु । लिसें चैत्र ५ गते प्रदेशया राजधानी विराटनगरय् तःधंक प्रदर्शन यायेगु ज्याझ्वः नं तयातःगु दु ।