मिसा खलःया जीवनोपयोगी तालिम क्वचाल

येँ(नेपालभाषा टाइम्स)- नेपालभाषा मिसा खलःया ग्वसालय् जूगु खुन्हुयंकंया जीवनोपयोगी सीप विकास व क्षमता अभिवृद्धि तालिम क्वचाःगु दु । खलःया ग्वसालय् फेडेरेसन अफ विजनेस एण्ड प्रोफेसनल वुमेन नेपाल (बीपीडब्लु) नेपालया मंकाः ग्वसालय् विजनेस इम्प्लोइमेन्ट एजुकेसन सर्भिसेस (बीइइएस), पर्सनल एड्भान्समेन्ट एण्ड करिअर इन्हान्समेन्ट टे«निङ माडेल तालिम जूगु खः ।

खलःया नायः धर्मशोभा तुलाधरया सभापतित्वय् जूगु तालिम समापन ज्याझ्वलय् मूपाहां कथं येँ महानगरपालिका १५ वडासदस्य मैया महर्जन झायादीगु खः । ज्याझ्वलय् वरिष्ठ प्रशिक्षक शीला शर्मां सहभागिताय्सं चाहना यानाच्वंगु परिवर्तन व क्षमता बारे जानकारी बियादीगु खःसा प्रशिक्षार्थी नीराशोभा कंसाकारं तालिमया अनुभव बारे कनादिसें तालिमय् सयेकागु संचार सीप, ईया व्यवस्थापन व तनावयात गुकथं व्यवस्थापन यायेगु धइगु तसकं उपयोगी जूगु विचाः कनादिल । लिसें वय्कलं थुकथंया तालिमं छम्ह उद्यमी वा व्यवसायीयात निर्णय प्रक्रिया व व्यवसाय प्रवद्र्धन यायेत ग्वाहालि जू वनीगु विचाः तयादिल ।

मूपाहांकथं झायादीम्ह वडासदस्य महर्जनं खलः व महासंघं याःगु थुकथंया मंकाः कुतःयात च्वछायादिसें वडाय् नं थुकथंया तालिम न्ह्याके माःगु व उकिया निंतिं थम्हं फक्व ग्वाहालि यायेगु बचं बियादिल ।

खलःया पुलांम्ह नायःलिसें बीपीडब्लु नेपालया महासचिव मंगला कारंजितया संयोजनय् न्ह्याःगु तालिम वरिष्ठ प्रशिक्षकपिं शर्मालिसें सुवर्ण प्रजापति, रिमा वज्राचार्य, प्रतिमाया पुनमगर व भाजु युवकराज घिमिरेपिंसं प्रशिक्षण बियादीगु खःसा खलःया छ्याञ्जे प्रेमहिरा तुलाधरं लसकुस यानादीगु खः ।

नेपालभाषा टाइम्स

च्वमिया मेमेगु

• भ्वँतय् न्हापांखुसी नेपालभाषा साहित्य तःमुँज्या
• न्हूदँया लसताय् येँ–चौतारा मोटरसाइकल र्‍याली
• संस्कृतिविद् गणेशराम लाछिया ७५ क्वःगु बुन्हि हन
• लुँया भावय् न्हूगु कीर्तिमान
• नेपालय् न्ह्यानाच्वंगु जुजुवादी आन्दोलन, भारतीय हिन्दूत्वया लिच्वः