लामिछानेया पार्टीइ कलहया संकेत

येँ (नेपालभाषा टाइम्स)÷राष्ट्रिय स्वतन्त्र पार्टीया सभापति रवि लामिछानें सरकार त्वःतेवं याःगु पत्रकार सम्मेलनय् न्ववाःगु अभद्र व अराजनीतिक धापूया कारणं पार्टी दुने हे विवाद शुरु जूगु दु ।

पार्टीया केन्द्रीय दुजः अरनिको पाँडें म्हिगः छगू ट्विट यासें सभापति लामिछानें उगु पत्रकार सम्मेलनय् न्ववाःगु खँया जिम्मेवारी थःपिंसं काये मफइगु खँ धाःगु दु । पाण्डें पार्टी दुने जूगु सहलहया झ्वलय् सरकारं पिहां वयेगु धकाः याःगु निर्णययात थम्हं स्वामित्व काःसां नं पत्रकार सम्मेलनया हिस्सा धाःसा थः मजुइगु खँ धयादीगु दु ।

पाँडे च्वयादीगु दु, ‘राष्ट्रिय स्वतन्त्र पार्टी छम्ह नेताया भावनां थहां वनाः युवा, सीमान्तकृत व आशावादी नेपाःया नितिं दनेमाः ।’ पार्टी अध्यक्ष लामिछानें पत्रकार सम्मेलन याःगु इलय् नं गुलिखे सांसदत उपस्थित मजूगु खः ।

पत्रकार सम्मेलनया कन्हय् कुन्हु च्वंगु पार्टीया बैठकय् नं आपालं केन्द्रीय दुजःतय्सं थ्व पत्रकार सम्मेलनय् अध्यक्षं न्ववाःगु खँयात कयाः थःपिंत तसकं हे यक्व फोन वःगु जुयाः थुकिया बारे गय्यानाः लिसः बीगु खः धकाः आक्रोशपूर्ण जिज्ञासा प्वंकूगु खः ।

नेपालभाषा टाइम्स

च्वमिया मेमेगु

• स्वम्ह नेवाः मिसा हस्तीपिंत हना
• ख्वनाया रुद्रायणी देगः बजेट अभावं अलपत्र
• असोज १३ निसें नोट हिले दइगु
• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन