भाषासेवी नातिवज्रया अन्त्यष्टी

यँे (नेपालभाषा टाइम्स)÷ कवि लिसें नेपालभाषा सेवी नातिबज्र वज्राचार्यया अन्तिम संस्कार म्हिगः थनया शोभा भगवतीया कर्ण दिपय् जुल । मदुम्ह वज्राचार्ययात वय्कःया काय लुजः वज्राचार्यं मि तयादीगु खः । वय्कः म्हीग बहनी वासः यायेगु झ्वलय् वीर अस्पतालय् मदुगु खः ।

मदुम्ह वज्राचार्यया छेँ असं दगु बहालं शवयात्रा यानाः कर्णदिपय् यंकूगु खः । वय्कःया सिथं यंकूगु इलय् आपालं भाषासेवी लिसें साहित्यकारपिंसं ब्वति काःगु खः । मदुम्ह वज्राचार्यया नेपालभाषाया सफू ‘सुति लः’, ‘जीवनया दुवातय्’ लिसें छुं मेचाः पिदनाच्वंगु दु ।
८१ दँ दुम्ह मदुम्ह वज्राचार्यया शव अन्तिम श्रद्धाञ्जलीया निंतिं वय्कःया छेँ सुथय् ८ बजे निसें ११ बजे तक तःगु खः । वयकःया जहान लिसें छम्ह काय व छम्ह म्ह्याय् दी ।

वय्कलं असं दगु बहालय् चायेकादीगु नेवाः भाय्या सफू मीगु पसः ‘सफूधुकू’ नेपालभाषाया सफू पसः जक मखुसें भाषाख्यःया साहित्यकारपिं मुनीगु छगू प्रमुख केन्द्र समेत जुयाच्वंगु खः ।

वय्कः मदुगु दुःखय् थौं भाषिक कार्यकर्तापिंसं सुथय् ८ बजे वय्कःया छेँय् बिचाः हायेकः वनीगु ज्याझ्वः दु ।

नेपालभाषा टाइम्स

च्वमिया मेमेगु

• पहिचानवादी आन्दोलनय् गोलीप्रहार
• विश्वया न्हयाथाय् च्वंसां नेवाःतय्सं थःगु संस्कृतियात म्वाका वयाच्वंगु दु– प्रम दाहाल
• तिलौराकोटयात नं विश्व सम्पदा धलखय् दुथ्याकीगु
• किपुली बुंगद्यःया झ्वाता पलिस्था विवाद ः वार्ता यानाः हे समाधान मालीगु
• ज्वेल्स सहकारीया वृहत् स्वास्थ्य शिविर