कांग्रेस २१ वडा अधिवेशन व न्हूगू ज्यासना पुचःया ल्यज्या

येँ – नेपाली कांग्रेस येँ महानगरपालिका वडा नं. २१या नकतिनि क्वचाःगु अधिवेशनं वडा कार्यसमितिया न्हूगु ज्यासना पुचःलिसें क्षेत्रीय प्रतिनिधि ल्यःगु दु । कांग्रेसया न्ह्यःने वयाच्वंगु झिंप्यक्वःगु महाविधेशनया निंतिं वडास्तरय् जुयाच्वंगु ल्यज्याकथं येँ निर्वाचन क्षेत्र नं ९ अन्तर्गत वडा २१ या अधिवेशनं न्हूगु ज्यासना पुचः ल्यःगु खः ।

निर्वाचित कार्यसमितिइ प्रमेशबहादुर सभापति, मधुसुदन प्रधान व सुमित्रा रंजित उपसभापति, राजेन्द्र मानन्धर व प्रवेशमान रंजित सचिव व पंचनारायण महर्जन व बिजु श्रेष्ठ सहसचिवय् निर्विरोध निर्वाचित जूगु दु । अथे हे दुजलय् काइला पोडे, जिमी खड्गी, रविन्द्र रंजित, योगरत्न डंगोल, सुवर्णकाजी स्थापित, बुद्ध रंजित, सजन डंगोल व तीर्थ राई नं निर्विरोध जुयादीगु दु ।

थुकथं हे खस आर्यय् सुरेन्द्रविक्रम थापा, मिसा दुजलय् शर्मिला रंजित बोहरा, आदिवासी जनजातिइ रोशन शाही व राजेश प्रजापति, आदिवासी जनजाति मिसा दुजलय् श्रीमिला रंजित व अपांगपाखे बर्षा पोडे निर्वाचित जुयादीगु दु ।

उगु अधिवेशनं क्षेत्रीय प्रतिनिधिकथं चन्द्रगोपाल प्रधान, गिरिधरमान श्रेष्ठ, विनोद शाक्य, युरेक रंजित, सागरदास रंजित, प्रविन रंजित, मिसा प्रतिनिधिइ सरिता श्रेष्ठ, चिनिहेरा शाक्य रंजित व शान्ति कर्माचार्य निर्वाचित जुयादीगु दु ।

क्षेत्रीय प्रतिनिधिया निंतिं खुल्ला मिसापाखे कपिला महर्जन, कल्पना खड्गी, शुभाञ्जली मानन्धर, रमिला रंजित निर्वाचित जुयादीगु दु ।

वडा अधिवेशनय् कांग्रेसया केन्द्रीय दुजःलिसें पुलांम्ह सभासद ध्यानगोविन्द रंजित झायादीगु खःसा उज्वलराम श्रेष्ठ मुख्य निर्वाचन अधिकृत व सुरेन्द्र प्रधान निर्वाचन अधिकृत जुयादीगु निर्वाचन कमिटी गठन याःगु खः ।

सम्बन्धित बुखँ

LEAVE YOUR COMMENTS