यती जहाज दुर्घटना थुकथं
येँ (नेपालभाषा टाइम्स)÷ वंगु माघ १ गते पोखराय् दुर्घटनाय् लाःगु यती एयरलाइन्स जहाजया फ्लाइट डाटा रेकर्डर व ककपिट भ्वाइस रेकर्डया विश्लेषण ज्या क्वचाःगु दु । दुर्घटना जाँच आयोगया कथं जहाज अवतरण यायेगु झ्वलय् ‘बेस लेगय् निगलं इन्जिनया प्रोपेलरत फेदर’ य् वंगु कारणं जहाज दुर्घटना जूगु खनेदु ।
छम्ह एभियसन प्राविधिकया कथं थज्याःगु अवस्थाय् जहाजय् अप्वः घर्षण उत्पन जुइ गुकिं यानाः जहाजयात न्ह्यःने यंकेगु सामथ्र्य इन्जिनय् दइ मखु । अज्याःगु इलय् आकाशं छुं झ्यातुगु वस्तु कुतुं वइथें जुयाः जमिनय् कुतुं वनी । आयोगया कथं यतीया जहाज थुकथं हे दुर्घटना जूगु खः ।
उगु जहाजया निगलं इन्जिनया प्रोपेलर फेदरय् छाय् वन धइगु बारे धाःसा आयोगं प्राविधिक व मानवीय पक्षबारे थप अनुसन्धान न्ह्याकूगु दु ।आयोगं थुकिया पूवंगु विश्लेषण यायेत अझ नं ई काइतिनिगु जुयाः आःयात प्रारम्भिक रिपोर्ट लिसें जहाजया उडान सुरक्षा सम्बन्धी छुं सुझाव सहित प्रतिवेदन बीत्यंगु खँ नं धाःगु दु ।
LEAVE YOUR COMMENTS