ट्रम्प पूवंक स्वस्थ
अमेरिकी राष्ट्रपति डोनाल्ड ट्रम्प पूवंक स्वस्थ दुगु खँ ह्वाइट हाउसया चिकित्सकतय्सं धाःगु दु । राष्ट्रपति ट्रम्प मानसिक रुपं विरामी जुयाच्वंगु धयागु चर्चा जुयाच्वंगु इलय् ह्वाइट हाउसया चिकित्सकतय्सं थ्व खँ धाःगु खः ।
७१ दँया ट्रम्पं राष्ट्रपति जुइधुंकाः न्हापांखुसी स्वास्थ्य परीक्षण याकेधुंकाः थ्व रिपोर्ट पिहां वःगु खः । शक्रवाः स्वघौ बिकाः सेनाया चिकित्सकतय्सं ट्रम्पया स्वास्थ्य परीक्षण याःगु खः । वय्कःया स्वास्थ्य बारे मंगलवाः थप जानकारी बीगु खँ धाःगु दु ।
आः ह्वाइट हाउसं मेगु चरणया नं स्वास्थ्य परीक्षण यायेत्यंगु दु । थ्व परीक्षण ट्रम्पया शारीरिक स्वास्थ्यय् केन्द्रीत जुइगु खँ धाःगु दु । ट्रम्पया मानसिक स्वास्थ्य परीक्षण धाःसा मजुइगु खँ धाःगु दु ।
तर माइकल उल्फया छगू विवादास्पद सफू पिहां वयेधुंकाः विश्वन्यंकं ट्रम्पया मानसिक स्वास्थ्ययात कयाः थीथी खँ पिहां वयाच्वंगु दु । उल्फया फायर एण्ड फ्युरी ः इन्साइड द ट्रम्प ह्वाइट हाउसय् दावी यानातःगु दु, –ह्वाइट हाउस दुने ट्रम्पया फुऽं सहयोगीतय्सं वयात मचा थें स्वयेगु यानाच्वंगु दु, गुम्हेसिनं धाःगु तुरुन्त पूवकेमाः ।’
ट्रम्पं धाःसा उल्फ सफूयात झूठं जाःगु सपूm धकाः प्रतिक्रिया बिया वयाच्वंगु दु । अथेहे विदेशमन्त्री रेक्स टिलर्सनं नं राष्ट्रपतिया मानसिक स्वास्थ्य स्यना वनाच्वंगु धकाः वःगु दावीया खण्डन याःगु दु ।
– एजेन्सी
LEAVE YOUR COMMENTS