नागरिक उन्मुक्तिं मत मबीगु
येँ (नेपालभाषा टाइम्स)÷नागरिक उन्मुक्ति पार्टीं सुदूरपश्चिम प्रदेशया मुख्यमन्त्रीयात विश्वासया मत बी मफइगु खँ धाःगु दु । नागरिक उन्मुक्तिया समर्थनय् एमालेया राजेन्द्र रावल वंगु पुस २७ गते मुख्यमन्त्री जुयादीगु खः । मुख्यमन्त्री रावलं लछिया दुने विश्वासया मत कायेमाः ।
तर नागरिक उन्मुक्तिपाखें समर्थन वइगु सुनिश्चित मजूगुलिं आः तक विश्वासया मत काये फयाच्वंगु मदु । मुख्यमन्त्री रावलं शीर्ष तहपाखें सहमति मालेत स्वयाच्वंगु खँ धाःगु दु ।
नागरिक उन्मुक्ति पार्टीया अध्यक्ष रञ्जिता श्रेष्ठं प्रदेश सरकारयात विश्वासया मत मबीगु खँ धयादीगु दु । म्हिगः दाङय् सञ्चारकर्मीतलिसे खँ ल्हासें वय्कलं धयादिल, ‘सत्ता गठबन्धनय् च्वनाः जिमिसं प्रधानमन्त्रीयात विश्वासया मत बीधुन । सुदूरपश्चिमय् नं सरकार दयेकागु दु, तर जिमिगु माग पूमवनेवं मुख्यमन्त्रीयात विश्वासया मत बी फइ मखु ।’
LEAVE YOUR COMMENTS