असन इन्भेष्टमेन्टया स्वक्वःगु साधारण सभा

येँ(नेपालभाषा टाइम्स)- असन इन्भेष्टमेन्ट कम्पनी लिमिटेडया स्वक्वःगु वार्षिक साधारणसभा जुल । वंगु विहीवाः थनया क्लासिक बफेट प्वाइन्टय् कम्पनीया साधारणसभा जूगु खः ।

कम्पनीया अध्यक्ष ज्ञानेन्द्ररत्न तुलाधरया सभापतित्वय् जूगु साधारणसभाय् वय्कलं संचालक समितियापाखें आर्थिक दँ ०७८÷७९या वार्षिक प्रतिवेदनलिसें लेखा परीक्षकया प्रतिवेदन न्ह्यब्वयादीगु खः ।
कम्पनीया कोषाध्यक्ष गौतमकाजी तुलाधरं आर्थिक प्रतिवेदन न्ह्यब्वयादीगु सभां आर्थिक दँ ०७९÷८०या निंतिं रमेशहरि अधिकारीयात लेखापरीक्षक नियुक्त यायेगु प्रस्ताव नं पारित याःगु खः ।

अध्यक्ष तुलाधरं चालु आर्थिक दँय् कम्पनीया थःगु हे भवन निर्माण यायेगु जानकारी सभाय् बियादीगु खः । असनय् हे निर्माण यायेगु भवनया निंतिं कम्पनीं जग्गातकं न्यायेधुंकूगु नं जानकारी बिउगु खः ।
शेयरपूँजीइ वृद्धि यायेगु धासें सकल सदस्यतय् शेयरपूँजी वृद्धिया निंतिं नं इनाप यानादीगु खः ।

नेपालभाषा टाइम्स

च्वमिया मेमेगु

• चित्तरन्जन नेपालीयात लुमंकल
• मतया तार भूमिगत यायेगु ज्या बेवारिस
• निम्ह साहित्यकारया थौं बिचाः मुँज्या
• एमालेया संकल्प यात्रायात पहिचानवादीया हाथ्या
• शरणार्थी काण्डय् गुम्हेसित कुना हे तइगु