बिज्यासलय् पंचदान व संघ भ्वय्
येँ(नेपालभाषा टाइम्स)÷थनया बिज्यासलय् च्वंगु बिज्यासः महाविहारय् पंचदान व संघ भ्वय् ज्याझ्वः जुल । इतलखु महाविहार (मांकाःबही)या लोकरत्न शाक्यं वंगु थिंलागा तृतियाकुन्हु उगु ज्याझ्वःया ग्वसाः ग्वयादीगु खः ।
थः पूर्वजपिं पुनवीर, उपलक्ष्मी, अबु न्हुछेरत्न व मां धनकुमारी शाक्यया गुण लुमंकाः लोकरत्न शाक्यलिसें संगीता शाक्य, दीपंकर शाक्य व तिसा शाक्यं पंचदानलिसें संघ भ्वय्या ग्वसाः ग्वयादीगु खः । ज्याझ्वलय् उपस्थित वज्राचार्य, शाक्यपिंत पंचदान बीगु नापं संघ भोजन याकादीगु खः ।
ज्याझ्वलय् लोकरत्न शाक्यं उपस्थित सकसितं सिन्हः तिकादीगु खःसा संगीता शाक्यं दान दक्षिणा बियादीगु खः । दाता शाक्यं थःपिनिगु गच्छेकथं शाक्य वज्राचार्यपिंत थीथी हलंज्वलं नापं दान दक्षिण बियादीगु खः।
संघ भ्वजय् बिज्यासः बहीलिसें नःबही, स्वयम्भू बही, गणबही, दुगंबही, खुसिबही, न्हाय्कंबही, मरुबही, चाबही, मखंबहाः, कोथु अतलखुबही, च्वाकंबही, कोथु दुगंबही, कुतुबहीया संर्वसंघया थाकुलि, प्रतिनिधिपिंत ब्वनातःगु खः ।
LEAVE YOUR COMMENTS