२८ क्वःगु महानगर दिवस तःजिक हनीगु

येँ (नेपालभाषा टाइम्स)÷येँ महानगरपालिकाया २८ क्वःगु महानगर दिवस थ्वहे वइगु मंसिर २९ गते थीथी ज्याझ्वः यासें न्यायेकीगु जूगु दु । २९ गते बसन्तपुली मूल समारोह जुइसा व स्वयां न्ह्यः छवाःन्यंकं थीथी ज्याझ्वः याइगु ग्वसाः दु । म्हिगः येँ महानगरपालिकां याःगु पत्रकार सम्मेलनय् मनपाया प्रवक्ता नविन मानन्धरं थुकिया जानकारी बियादीगु खः ।

महानगर दिवस हनेगु झ्वलय् थुगुसी येँ देय् चाःहिलाः थःत ताःगु खँ कनेगु महसुस यात्रांनिसें कयाः थीथी थासय् यचुपिचु ज्याझ्वः याइगु ग्वसाः दु ।

थ्व झ्वलय् येँया प्राचीन वस्ती नरलय् मंसिर २७ गते सम्पदा महोत्सव याइगु ग्वसाः दुसा २८ गते न्हिनय् बाजं गुरुपिंत सम्मान, सुशासन पत्रकारिता सिरपाः लःल्हायेगु लिसें थीथी कासाय् त्याःपिंत सम्मान याइगु ज्याझ्वः दु । अथे हे थ्व लसताय् मसिर २७ गते स्वास्थ्य शिविर, धिमे धेंधेंबल्लाः कासा, बालाजुइ न्हूगु दमकल स्टेशनया उलेज्या, कर्मचारी दथुइ फुटबल कासा, कुर्सी कासा आदि थेंज्याःगु ज्याझ्वःत जुइ । अथे हे थ्व लसताय् येँया स्कुल, खुसि व सांस्कृतिक सम्पदाय् यचुपिचु यायेगु ज्याझ्वः नं दयेकातःगु दु ।

सम्बन्धित बुखँ

LEAVE YOUR COMMENTS