प्रज्ञा प्रतिष्ठानय् नेपाल संवत्या गोष्ठि

येँ(नेपालभाषा टाइम्स)- नेपाल प्रज्ञा प्रतिष्ठानं नेपाल संवत् न्हूदँयायात कयाः गोष्ठि याइगु जूगु दु । नेपाल संवत् न्हूदँ राष्ट्रिय समारोह समिति–११४३या इनाय् प्रतिष्ठानं उगु गोष्ठि यायेत्यंगु खः ।

नेपाःया राष्ट्रिय संवत्या महत्व व राज्यं हे थुकिया व्यावहारिक छ्यालबुला हयेमाःगु दायित्वबोध याकेकथं प्रतिष्ठानं न्हूदँ नेपाल संवत्यात कयाः गोष्ठि यायेत्यंगु समितिं जानकारी बिउगु दु । न्हूदँ समारोह समितियाकथं वइगु मंसिर २० गते प्रज्ञा भवनया हे सभाकक्षय् जुइगु गोष्ठिइ इतिहासविद्लिसें समारोह समितिया पुलांम्ह नायः नापं वर्तमान सल्लाहकार डा. त्रिरत्न मानन्धरं ज्यापौ न्ह्यब्वयादीगु जूगु दु ।

थ्व हे झ्वलय् न्हूदँ समारोह समितिया दुजःपिंत बुद्ध जन्मस्थल लुम्बिनीस्थित वज्रयान महाविहारया भ्रमण याकीगु जूगु दु । न्हूदँ समारोह समितिं सकल दुजःपिंत लुम्बिनीस्थित वज्रयान महाविहारया भ्रमण याकेत्यंगु खः ।

समितिया नायः जुयाच्वनादीम्ह महाविहारया नं नायः प्रा. डा. नरेशमान वज्राचार्यं समितिया दुजःपिंत विहारया महत्व बारे जानकारी बीगु ल्याखं निरीक्षण भ्रमण याकेत्यंगु समारोह समिति व्यवस्थापन पुचःया मचाराजा महर्जनं जानकारी बियादीगु दु । न्हूदँ समारोह समितिया दुजःपिंत थ्व हे मंसिर २३ निसें २५ स्वन्हुयंकं लुम्बिनी भ्रमण याकेगु तयारी यानाच्वंगु सीदुगु दु ।

सम्बन्धित बुखँ

LEAVE YOUR COMMENTS