राजेन्द्र श्रेष्ठयात नेवाः ख्यःया समर्थन
येँ(नेपालभाषा टाइम्स)÷ येँ क्षेत्र नं. ७ य् प्रतिनिधि सभाया उम्मेदवार राजेन्द्र श्रेष्ठयात नेवाः ख्यलं थःपिनि मंकाः उम्मेदवार कथं स्वीकार याःगु दु । म्हिगः जूगु छगू भेलां वय्कःयात त्याकेगु लागिं छगू पुचः नं नीस्वंगु दु । राजेन्द्रमान शाक्यया संयोजकत्वय् ‘राजेन्द्रप्रसाद श्रेष्ठ सहयोग समिति’ नीस्वंगु खः ।
समिति यात म्हिगः हे कालिमाटीया नेवाः पुचलं २५ द्वः तका दां ग्वाहालि नं लःल्हाःगु दु ।
नेवाः न्ह्यलुवा डा. महेश मान श्रेष्ठया सभापतित्वय् जूगु उगु भेलाय् न्ववासें नेवाः न्ह्यलुवा मल्ल के. सुन्दरं नेवाः आन्दोलनय् राजेन्द्र श्रेष्ठया तःधंगु योगदान दुगु जुयाः वय्कःयात पार्टी स्वयाः मखु व्यक्ति स्वयाः मत बीमाः धयादिल ।
ज्याझ्वलय् डा. पुष्पराज राजकर्णिकार, अधिवक्ता जितेन्द्र वज्राचार्य, गणेश साय्मिपिंसं नं न्ववानादीगु खः । श्रेष्ठ जसपापाखें कुसा चिं कयाः दनाच्वंगु दु ।
LEAVE YOUR COMMENTS