लोक साहित्य परिषद्या न्हूधाः

यल(नेपालभाषा टाइम्स)-लोक साहित्य परिषद्या तःमुँज्यां न्हूगु ज्यासना पुचः ल्यःगु दु । वंगु कौलागा पंचमि शुक्रवाःकुन्हु परिषद्या नायः प्रा. पे्रमशान्ति तुलाधरया सभापतित्वय् तःमुँज्या जूगु खः ।

तःमुँज्यां राजितबहादुर श्रेष्ठया अध्यक्षताय् परिषद्या न्हूधाः नं याःगु खः । न्हूधाःकथं परिषद्या न्हूगु ज्यासना पुचलय् वीर सिं महर्जन व लक्ष्मीशोभा शाक्य न्वकु, धर्मकृष्ण श्रेष्ठ छ्याञ्जे, किरण केन रंजित लिउ छ्याञ्जे, वासुदेव श्रेष्ठ दांभरिं व मोहनदेवी महर्जनयात लिउ दांभरिं ल्यःगु दु ।

अथे हे दुजलय् निर्मला श्रेष्ठ, विमलप्रभा वज्राचार्य, राजेन्द्र रंजित, शान्तराज शाक्य, देवकी श्रेष्ठ व यमुना श्रेष्ठयात ल्यःगु दुसा निवर्तमान नायः प्रा. तुलाधरयात संरक्षक क्वःछिउगु दु ।

सत्यमोहन जोशी लोक साहित्य भवनय्ु जूगु तःमुँज्याय् काजीमान डंगोल, नारद वज्राचार्य, विमलप्रभा वज्राचार्यपिंसं नुगःखँ तयादीगु खः ।

सम्बन्धित बुखँ

LEAVE YOUR COMMENTS