थुगुसी दकलय् न्हापां बौद्ध जनविहारय् कथिनोत्सव
यल (नेपालभाषा टाइम्स)÷थुगुसीया कथिनोत्सव (कथिन चीवर दान) वंगु कौलागा पारुनिसें शुरु जूगु दु । नेपाःया थेरवाद बुद्ध शासनया भिक्षुपिं स्वला तक वर्षावास च्वना बिज्याःगु लसताय् जुइगु कथिनोत्सवया झ्वलय् थुगुसी दकलय् न्हापां थनया बालकुमारी द्यःख्यः सुनागुथिस्थित बौद्ध जन विहारय् उगु ज्याझ्वः जूगु खः ।
अखिल नेपाल भिक्षु महासंघया महासचिव श्रद्धेय भिक्षु धर्मगुप्त महास्थविरं वर्षावास पूवंका बिज्याःगु लसताय् कथिनोत्सव ज्याझ्वः जूगु खः। नेपाःया च्याम्हम्ह संघनायक श्रद्धेय भिक्षु बोधिसेन महास्थविरया प्रमुख आतिथ्यताय् वसपोलपाखें पंचशील प्रदान यासें न्ह्याःगु ज्याझ्वलय् लुम्बिनी विश्वविद्यालयया प्राध्यापक डा. संकिश्च महास्थविरं कथिनोत्सवया विषयय् धर्मदेशना बियाबिज्याःगु खः ।
भिक्षु धर्मगुप्त महास्थविरपाखें पुण्यानुमोदन याना बिज्याःगु कथिनोत्सवया दातापिं रत्नकाजी–चमेली शाक्य, राजेश्वर–विमला वज्राचार्य, पूूर्णभक्त–ज्ञानीकेशरी वज्राचार्य, धर्मराज–पद्मतारा शाक्य ,गौतम–समुन्द्रदेवी ताम्राकार, सबिता तुलाधर, अमृतरत्न तुलाधर , कविता तुलाधर , बुद्धकुमारी मानन्धर व धर्मदेवी महर्जन खः ।
उगु इलय् भिक्षु अनागारिका गुरुमांपिंत, आपालं उपासक उपासिकापिंसं अष्ट परिष्टकारलिसें थीथी ज्वलं दान प्रदान याःगु खः ।
LEAVE YOUR COMMENTS