तःमुँज्याया नायः उलकयात हनेज्या
ख्वप(नेपालभाषा टाइम्स)÷नेपालभाषा साहित्य तःमुँज्याया ग्वसालय् वंगु कौलाथ्व द्वादशि व त्रयोदशि निन्हुयंकंं पीनिक्वःगु नेपालभाषा साहित्य तःमुँज्या भार्वाचोय् जुल । तःमुँज्याय् थुगुसी ताःईतक नेपालभाषा साहित्य तःमुँज्याया नायः जुयाः ज्या यानादीम्ह जनकवि चन्द्रबहादुर उलकयात हनेज्या याःगु खः ।
नेपाल मजदुर किसान पार्टी (नेमकिपा)या केन्द्रीय नायः नारायणमान बिजुक्छेँ रोहतिं तःमुँज्याया नायः उलकयात नीन्याद्वः तका दांलिसें दोसल्ला न्ययेकाः हनापौ देछासे हनेज्या यानादीगु खः । तःमुँज्याया ताःईतक नायः जुयादीम्ह उलकयात हनेज्या यासें लःल्हाःगु ध्यबा वय्कलं तःमुँज्यायात हे ग्वाहालिकथं लःल्हानादीगु खः ।
थुकथं हे ज्याझ्वलय् ताःई निसें सांस्कृतिक ख्यलय् ज्वःमदुगु योगदान बिया वयाच्वनादीम्ह कलाकार देवचन्द्र वज्राचार्ययात नं हनेज्या याःगु खः । वय्कःयात नं मूपाहां रोहतिं दोसल्ला न्ययेकाः हनापौ देछासे हनेज्या याःगु खः । अथे हे ज्याझ्वलय् स्थानीय सांस्कृतिक गुरुपिं बद्री न्याइच्याइ व हरिप्रसाद बाटीयात नं दोसल्ला न्ययेकाः हनेज्या याःगु खः ।
तःमुँज्याय् साहित्यया थीथी विधापाखें उत्कृष्ट जूपिंत सिरपाः नं लःल्हाःगु खः । थुगुसी चिनाखँपाखे काशिराम विरस न्हाप, प्रेम प्रजापति लिउ व गंगाराम ज्याख्व लियांलिउ लाःगु खःसा बाखं विधापाखे एल के. सुन्दर न्हाप व रामगोपाल बमनू लिउ लाःगु खः । साहित्यय् उत्कृष्ट जुयादीपिंत मूपाहां बिजुक्छेँ सिरपाः लःल्हानादीगु खः ।
निन्हुयंकं जूगु तःमँुज्याया न्हापांगु दिंया ज्याझ्वः मिसा नेतृ चनमति खुलिमुलिया सभापतित्वय् जूगु खःसा ज्याझ्वःया उलेज्या भावार्चाया स्थानीय ९३ दँ दुम्ह हरिलाल पंचं यानादीगु खः ।
न्हापांगु न्हिया तःमुँज्याय् मदुम्ह शोभा बिजुक्छेँयात लुमंकाः वय्कःयात नं सम्मान याःगु ज्याझ्वलय् सहिद धर्मभक्त मानव अंग प्रत्यारोपण केन्द्रया प्रमुख डा. पुकारचन्द्र श्रेष्ठ, साहित्यकार इन्दिरा प्रसाइँ, ज्योतिषशास्त्री वीरेन्द्रभक्त प्रधाना·, इतिहासविद् डा. पुरुषोत्तमलोचन श्रेष्ठ, सीमाविद् रतन भण्डारी, साहित्यकार नरेन्द्र प्रसाइँ, वरिष्ठ अधिवक्ता कृष्णप्रसाद भण्डारी, सम्मानति व्यक्तित्वm उलक, नेमकिपाया सचिव पे्रम सुवाल, वरिष्ठ मिसा ल्वय् विशेषज्ञ डा. सानुमैंया श्रेष्ठ, शम्भू पहाडी, वरिष्ठ इन्जिनियर राजदास श्रेष्ठ, नेपाली सेनाया पूर्व जर्नेल पे्रमसिंह बस्न्यात, इतिहासविद् विश्वमोहन जोशी, पुलांम्ह न्यायाधिश गौरीबहादुर कार्कीपिंसं नुगःखँ तयादीगु खः ।
निन्हुया न्हिया ज्याझ्वः तःमुँज्याया पुलांम्ह नायःलिसें शिक्षासेवी ज्ञानसागर प्रजापतिया सभापतित्वय् जूगु खःसा निन्हुयंकं थीथी म्येँ, हुलाप्याखं, ख्यालः, नाटकलिसें सांस्कृतिक व सांगीतिक ज्याझ्वः नं न्ह्यब्वःगु खः ।
LEAVE YOUR COMMENTS