तुतां चिं खारेज यायेत उजुरी

येँ (नेपालभाषा टाइम्स)÷ निम्ह स्वतन्त्र उम्मेदवारं तुतां चिं खारेज यायेत माग यासें निर्वाचन आयोगय् उजुरी बिउगु दु । उजुरी बिउपिसं ‘हाम्रो नेपाली पार्टीं’ चिं कयाः निर्वाचन आयोगय् दल दर्ता यायेधुंकूगु अवस्थाय् स्वतन्त्र उम्मेदवारतय्सं मंकाः चुनाव चिं धकाः प्रचार याःगु धासें आयोगय् उजुरी बिउगु खः ।

येँया ९ नम्बरं उम्मेदवारी बीगु घोषणा याःम्ह सुनिल रिजाल व ५ या विजय कँडेलं आयोगय् बिउगु उजुरी धयातःगु दु, ‘यदि पार्टी दर्ता यायेबलय् स्वतन्त्रतय्गु मंकाः चुनाव चिं धकाः दर्ता याःगु मदुसां उगु चुनाव चिं स्वतन्त्र उम्मेदवारतय्गु मंकाः व वैकल्पिक चिं धकाः जनमानसय् भ्रम न्यंकेगु ज्या जुयाच्वंगु दु उकिं उगु चिं खारेज यायेत माग यानाच्वना ।’ उकथं हे हाम्रो नेपाली पार्टीयात न्हूगु चिं बीमाःगु माग नं उमिसं याःगु दु ।

नेपालभाषा टाइम्स

च्वमिया मेमेगु

• संविधान संशोधनया निंतिं नेवाःतपाखें सुझाव
• बौद्ध विद्वानलिसें चचा प्याखं गुरु वज्राचार्ययात तःजिगु हना
• लिपि गुथिया रञ्जना लिपि किपा च्वज्या कासा
• विराटया चिधं दबुलिइ प्रदीप शाक्य
• ‘भाषा ऐन हयेत पाय्‌छिकथं ज्या जुयाच्वंगु मदु’