इतुंबहाः गुंला बाजनय् सिरपाःया निंतिं अक्षय कोष

येँ(नेपालभाषा टाइम्स)- केशचन्द्र पारावर्त महाविहार इतुंबहाःया गुलां बाजंया निंतिं अक्षय कोष नीस्वंगु दु । थनया इतुंबहालय् च्वंगु केशचन्द्र पारावर्त महाविहार संस्कृति संरक्षण समितिया संस्थापक धर्मवीर शाक्यं उगु अक्षय कोष स्वनादीगु खः ।

इतुंबहाः सर्वसंघया निम्हम्ह न्वकु तकं जुयादीम्ह शाक्यं छगू लख झिंछद्वः व सछितका दांया ‘केशचन्द्र गुंलाबाजं–धर्मवीर सिरपाः’ अक्षय कोष स्वनादीगु खः ।

थुगु कोषपाखें वइगु ब्याजं गुंला लछियंकं स्वयम्भूइ धाः बाजं थानादीपिंमध्ये स्वम्हेसित सिरपाः लःल्हाइगु जूगु दु । कोषया ब्याजं लछियंकं गुंलाया इलय् स्वयम्भू वनीपिंमध्ये स्वम्हेसित छसिकथं ६,०००/-, ३५००/- व २०००/– तका दां सिरपाः लःल्हायेगु समितिं जानकारी बिउगु दु ।
थुगुसी गुंला क्वचाःगु लसताय् जूगु पारु भ्वजय्दाता शाक्यं गुंला बाजंया कजि सुजितमान शाक्ययात कोषया दां लःल्हानादीगु खः ।

सम्बन्धित बुखँ

LEAVE YOUR COMMENTS