विश्व सम्पदाय् स्टिलया बार

येँ (नेपालभाषा टाइम्स)- थनया हनुमानध्वाखा लागाय् च्वंगु छगः ऐतिहासिक ल्वहंया देगलय् स्टिलया बार तयेगु ज्या जूगु दु । विश्वसम्पदाया धलखय् लाःगु देगलय् वाइरिङ यानाः अथे स्टिलया बार तयाच्वंगु दृश्य सम्पदा संरक्षक चिरन मानन्धरं सामाजिक सञ्जालपाखें सार्वजनिक यायेवं सम्पदा अभियन्तात म्हिगः वनाः उगु बार चानाः लिकया छ्वःगु खः ।

देगलय् वइपिं भक्तजनतय् अःपुइमा धकाः देगःया ल्वहं हे थाय्थासय् प्वाःखनाः उगु बार तःगु जुयाच्वन । थ्व बार तःगु बारे येँ महानगरपालिका, पुरातत्व विभाग आदि सुं हे निकायं मसिउ । सम्पदा अभियन्तातय्सं बार तयेकेगु ज्या याःम्ह पुजारीयात समेत ज्वनाः प्रहरीया न्ह्यःने थना बीवं उपिं बार लिकायेत सहमत जूगु खः । बार तःपिंत कारवाही यायेमाः धकाः अभियन्तातय्सं माग याःगु दु ।

सम्बन्धित बुखँ

LEAVE YOUR COMMENTS