क्वहितिया आगंछेँया उलेज्या

येँ(नेपालभाषा टाइम्स)÷येँ महानगरपालिका वडा नं. २० क्वहितिस्थित कीर्तिपुण्य महाविहारया पुनःनिर्माण क्वचाःगु आगंछेँया उलेज्या याःगु दु । येँ महानगरपालिकाया उपप्रमुख सुनिता डंगोलं महाविहार सर्वसंघया आगंछेँया उलेज्यालिसें आगंछेँया निंतिं थीथीकथं ग्वाहालि यानादीपिंत हनेज्या नं यानादीगु खः ।

ज्याझ्वलय् नवासें मूपाहां महानगर उपप्रमुख डंगोलं नेवाः संस्कृति, परम्परायात न्हू पुस्तायात हस्तान्तरण यानाः इमित उकिया महत्व नं बांलाक थुइका वनेगु स्वयेमाः धयादिल । लिसें वय्कलं नेपाः संस्कृतिया ल्याखं तःमिगु देय् जूगु व उकिसनं नेवाः संस्कृति, संस्कार, धार्मिक परम्पराया उल्लेख्य महत्व दुगु खँ कनादिल ।

महाविहारया सर्वसंघया नायः आनन्दरत्न शाक्यया सभापतित्वय् जूगु ज्याझ्वलय् येँ महानगरपाकिाया निवर्तमान प्रमुख विद्यासुन्दर शाक्य, शाक्य महाविहार संघया नायः शुभकाजी शाक्य, शाक्य फाउण्डेसनया नायः राजकाजी शाक्य, गुंला बाजं व्यवस्थापन तथा संरक्षण संघया नायः अमिरमान शाक्य, हनुमानध्वाखा दरवार संरक्षण कार्यक्रमया प्रमुख रोशन शाक्यं सम्पदाया महत्व व उकिया संरक्षणया थीथी पक्षयात कयाः नुगःखँ तयादीगु खः ।

सम्बन्धित बुखँ

LEAVE YOUR COMMENTS