मातृभाषा पत्रकारिता गोष्ठी

येँ – नेवाः राष्ट्रिय पत्रकार दबू येँ कचाया ग्वसालय् म्हिगः मातृभाषा सम्मेलन सम्बन्धी गोष्ठी जुल । ज्याझ्वलय् थीथी १७ गू मातृभाषीतय्सं थःथःपिनि भाषाय् जुयाच्वंगु पत्रकारिता बारे कार्यपत्र न्ह्यब्वयादीगु खः । उगु ज्याझ्वलय् येँ महानगरपालिकाया निवर्तमान मेयर विद्यासुन्दर शाक्य व निवर्तमान उपमेयर हरिप्रभा खड्गी श्रेष्ठं नं नुगःखँ तयादीगु खः ।
उगु हे झ्वलय् येँ मनपाया उपप्रमुख सुनिता डंगोलं च्वमि राकेश महर्जनं च्वयादीगु पत्रकारिता सम्बन्धी सफू ‘आम सञ्चार व नेपालभाषा पत्रकारिता’ लिसें स्वयम्भू सम्बन्धी डकुमेन्ट्री नं विमोचन यानादीगु खः ।