सम्पदा दिवसय् सम्पदास्थल पैदल यात्रा

येँ – वइगु बैशाख ५ गते विश्व सम्पदा दिवसया लसताय् लाकाः स्थानीय सम्पदाया प्रवद्र्धन याइगु जूगु दु । विश्व सम्पदाया धलखय् दुथ्यानाच्वंगु हनुमानध्वाखानिसें मेगु विश्व सम्पदास्थल स्वयम्भूतक छगू पैदल यात्रा यासें स्थानीय सम्पदाया प्रवद्र्धन यायेगु तयारी याःगु खः ।

छगू सम्पदास्थल निसें मेगु सम्पदास्थल तकया पैदल यात्राया झ्वलय् स्थानीय सम्पदाया प्रवद्र्धन यायेगु नापं स्वदेशी व विदेशी पर्यटकयात उगु लागाया ऐतिहासिक पक्ष बारे नं जानकारी बीगु जूगु दु । विश्व सम्पदा दिवस न्यायेकत थ्व स्वयां न्ह्यः हे येँ क्षेत्र नं ८ या सांसद जीवनराम श्रेष्ठया संयोजकत्वय् छगू विश्व सम्पदा दिवस मूल समारोह समिति नं नीस्वने धुंकूगु दु । समितिं विश्व सम्पदा दिवसया लसताय् बैशाख २ निसें ८ तक थीथी ज्याझ्वः नं याइगु जूगु दु ।