नेबिलया चःबि खुल्ला जूगुलिं एनआईसीयात चिन्ता
येँ (नेपालभाषा टाइम्स)÷येँ महानगरपालिकाया मेयर बालेन्द्र साहयात ग्वाहालि यायेगु त्वहचिनाः नेबिल बैंक मनपाय् दुहां वंगुलिं एनआईसी बैंकया कपाः स्याःगु दु ।
येँ महानगरपालिकां न्हापा थःपिनि बैंकिंग कारोवार नेबिल बैंकलिसे याना वयाच्वंगु खः । वंगु खुला न्ह्यः मनपां नेबिललिसे सम्झौता रद्द यानाः एनआईसी एशियालिसे कारोवार शुरु याःगु खः । आः मनपाय् न्हूगु नेतृत्व वयेवं नेबिल बैंकं थःपिनि पुलांगु कारोवार हानं ल्हातय् लाकेगु लक्ष्य तयाः मनपाया निःशुल्क चःबि अभियानतयात ग्वाहालि याःगु अनुमान याःगु दु ।
नेबिल बैंकं थःपिनि शौचालय खुल्ला यानाः मनपाया अभियानयात साथ बिउसां आः तक एनआईसी एशियां अज्याःगु छुं घोषणा मयाःगु खँय् मनपाय् चर्चा जूगु खँ सूत्रं धाःगु दु ।
LEAVE YOUR COMMENTS